काठमाडौँ । जनता समाजवादी पार्टी (जसपा)का अध्यक्ष महन्थ ठाकुरले प्रधानमन्त्री शेरबहादुर देउवालाई भेटेका छन् । बुधवार बिहान अध्यक्ष ठाकुरले प्रधानमन्त्रीको सरकारी निवास बालुवाटार पुगेर प्रधानमन्त्री देउवासँग भेट गरेका हुन् ।
जसपाले उठाउँदै आएका मागका बारेमा देउवा र ठाकुरबीच कुराकानी भएको स्राेतले जानकारी दिएको छ । ठाकुर पक्षले रेशम चौधरीलाई जेलबाट रिहाइ गर्नुपर्ने, लाल आयोगको प्रतिवेदन सार्वजनिक गर्नुपर्नेलगायतका माग राख्दै आएको छ । ठाकुर पक्षले प्रधानमन्त्री शेरबहादुर देउवालाई विश्वासको मत दिएकाे थियाे ।
प्रकाशित मिति: बुधबार, साउन ६, २०७८ ११:१३