काठमाडौँ । नेकपा एमालेको स्थायी कमिटी बैठक बालुवाटारमा सुरु भएको छ ।बिहीबार बिहान १० बजेका लागि बैठक बोलाइए पनि ११ बजेपछि बैठक सुरु भएको हो ।
एमालेमा १९ जना स्थायी कमिटी सदस्य छन्। नेता झलनाथ खनाल र माधव नेपाल पक्षविनै ओलीले केही समयअगाडि स्थायी कमिटी गठन गरेका थिए।
आज बसेको स्थायी कमिटीले राष्ट्रिय सभाको उपनिर्वाचनका लागि पार्टीका तर्फबाट उम्मेदवार तय गर्ने सम्भावना छ। बागमती र लुम्बिनी प्रदेशमा एक एक पद रिक्त छ। त्यसका लागि जेठ ६ र १७ गते उपनिर्वाचन तोकिएको छ।
आज स्थायी कमिटी बैठकमा समग्र राजनीतिक घटनाक्रमबारे छलफल हुने सम्भावना रहेको एक स्थायी कमिटी सदस्यले बताए।
प्रकाशित मिति: बिहीबार, वैशाख २३, २०७८ ११:३८
