काठमाडौँ - माघ २३ गते राजधानीमा शक्ति प्रदर्शन गर्ने घोषणा गरेको नेपाल कम्युनिस्ट पार्टी ओली समूहले उक्त दिन लाखौँ मानिसहरू सरकारको समर्थनमा भेला हुने बताएको छ।
सोमवार पत्रकार सम्मेलन गरेर उक्त समूहले देशभित्र र अन्तर्राष्ट्रिय जगत् दुवैलाई आफ्नो पक्षको शक्ति देखाउने उद्देश्यसहित लाखौँको सङ्ख्यामा मानिसहरू सभामा आउने दाबी गरेको हो।
प्रधानमन्त्री केपी शर्मा ओलीले उक्त सभामा सम्बोधन गर्दै अहिलेसम्म गोप्य रहेको असाध्यै महत्त्वपूर्ण विषय जानकारी गराउने शिक्षा, विज्ञान तथा प्रविधि मन्त्री कृष्णगोपाल श्रेष्ठले जानकारी दिए।
उक्त पत्रकार सम्मेलनमा उपप्रधानमन्त्री ईश्वर पोखरेलले प्रधानमन्त्री ओलीविरुद्ध लगाइएको आरोपपत्र फिर्ता लिने र घोषित चुनावमा भाग लिने प्रतिबद्धता अर्को पक्षले जनाए पार्टी एकता कायमै रहने बताएका थिए।
प्रकाशित मिति: सोमबार, माघ १२, २०७७ १६:२२
