काठमाडौँ । नेपाल कम्युनिष्ट पार्टी (नेकपा) का दुई अध्यक्षको बैठक आज बालुवाटारमा शुरुभएको छ ।
मन्त्रिपरिषद पुनर्गठनदेखि पार्टीको सांगठनिक बाँकी एकता प्रक्रियाका विषयमा केन्द्रित भएर छलफल भइरहेको बालुवाटार स्रोतले जनाएको छ ।
गत मंगलबार ६ गते बसेको सचिवालय बैठकले दुई अध्यक्षलाई मन्त्रिपरिषद पुनर्गठनको खाका बनाउने जिम्मा र पार्टीको सांगठनिक एकताका बाँकी काम पूरा गर्ने आधारसहितको खाका बनाउने जिम्मेवारी दिएपछि दुई अध्यक्ष केपी शर्मा अोली र पुष्पकमल दाहाल ‘प्रचण्ड’ सक्रिय भएका हुन् ।
अध्यक्ष दुईबीच विहिबार पनि करिब तीन घण्टा छलफल भएको थियो ।
प्रकाशित मिति: शुक्रबार, असोज ९, २०७७ १४:०१
