काठमाडौं । चीनले हुम्लामा सीमा मिचेर संरचना निर्माण गरेको भन्दै बालुवाटारस्थित चिनियाँ दूतावास अगाडि प्रदर्शन गरिएको छ ।
नागरिक समूहकाे नाममा गरिएकाे प्रदर्शनमा 'ब्याक अफ चाइना' लेखिएकाे ब्यानरसहित मिचिएको भूमि फिर्ता गर्न माग गरिएकाे थियाे ।
प्रदर्शनकारीहरुले सीमा अतिक्रमण बन्द गर्नुपर्ने, मिचिएको भूमि फिर्ता गर्नुपर्ने, पुरानो सन्धि लागू हुनपर्ने माग राखेर प्रदर्शन गरेका हुन् ।
प्रदर्शनकारीकाे समूहले मिचिएको भूमि फिर्ताको माग गर्दै विज्ञप्ति बुझाउने प्रयास गरे पनि प्रहरीले अवराेध गरेपछि विज्ञप्ति बुझाउन नपाएकाे समूहका एक सदस्यले बताए ।
हुम्लाको नाम्खा गाउँपालिका-६, लिमीको लाप्चा बगर क्षेत्रमा चीनले नेपाली भूमी मिचेर ९ वटा भवन निर्माण गरेको समाचार बाहिरिएकाे थियाे ।
हुम्लाका प्रमुख जिल्ला अधिकारी चिरञ्जीवी गिरी नेतृत्वको टोलीले उक्त क्षेत्रको निरीक्षणका लागि गएकामा चिनियाँ सेनाले आफ्नै भूमिमा भवन निर्माण गरेकाे दाकी गरेपछि टाेली फर्किएकाे थियाे ।
प्रकाशित मिति: बुधबार, असोज ७, २०७७ १२:१७