काठमाडौं । सत्तारुढ नेपाल कम्युनिष्ट पार्टी (नेकपा) का अध्यक्षद्वय केपी ओली र पुष्पकमल दाहाल ‘प्रचण्ड’बीचकाे वार्ता सकिएकाे छ ।
गत मंगलबारदेखिकाे संवादहीनता ताेड्दै प्रधानमन्त्री निवास बालुवाटारमा भएको कुराकानी सकारात्मक रहेको बताइएको छ ।
'आजको भेटवार्ता सकिएको छ । छलफल समाधान उन्मुख छ । भोलि पनि वार्ता जारी राख्ने सहमति भएकाेछ', बालुवाटार स्राेतले भन्याे ।
प्रधानमन्त्री एवम् अध्यक्ष ओली र अर्का अध्यक्ष प्रचण्डबीच करिब ४ घण्टा छलफल भएको थियाे । प्रधानमन्त्री ओलीसँग भेटवार्ताका लागि अध्यक्ष प्रचण्ड बिहान ११ बजे बालुवाटार पुगेका थिए ।
प्रधानमन्त्रीले ओलीले एपिवान एचडी टेलिभिजनमा ‘द बाभ्रो डेल्टा सो’ कार्यक्रममा अबको ५ दिनभित्रै नेकपाको संकट समाधान हुने बताएका थिए । उनले बाचा गरेकाे भाेलिपल्टै विवाद समाधानका लागि निर्णायक वार्ता सुरु भएको बताइएकाे छ ।
प्रकाशित मिति: बिहीबार, साउन २९, २०७७ १५:५२