काठमाडौं । सत्तारुढ दल नेपाल कम्युनिस्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल प्रचण्डबीच बालुवाटारमा भेटवार्ता भएको छ ।
बिहीबार ओलीलाई भेट्न प्रचण्ड केही समय अगाडि प्रधानमन्त्री निवास बालुवाटार पुगेकाे नेकपा स्राेतले बतायाे ।
१० दिनकाे संवादहीनता ताेड्दै उनीहरूकाे भेटवार्ता भएकाे हाे । यसअघि गत मंगलबार ओली र प्रचण्डबीच भेटवार्ता भएको थियो ।
अध्यक्षद्वयसँगै छलफलमा महासचिव विष्णु पौडेल, प्रदेश ५ का मुख्यमन्त्री शंकर पोखरेल र स्थायी समिति सदस्य जनार्दन शर्मा पनि सहभागी रहेको बताइएकाे छ ।
असार १० गते सुरु भएकाे स्थायी कमिटी बैठकमा प्रचण्ड–माधव नेपाल पक्षका नेताहरुले ओलीले राजीनामा दिनुपर्ने अडान राखेपछि नेकपाकाे विवाद उत्कर्षमा पुगेकाे हाे ।
ओली भने राजीनामा नदिने अडानमा छन् । उनले अर्ली महाधिवेशन गरेर पार्टीकाे नेतृत्व छाेड्ने तर राजीनामा नदिने अडान राखेपछि ध्रुवीकरण झन् तीव्र भएकाे हाे ।
प्रकाशित मिति: बिहीबार, साउन २९, २०७७ १२:३०
