काठमाडाैं । काेराेना भाइरसकाे महामारीका कारण सरकारले शैक्षिक संस्था अनिश्चितकालका लागि बन्द गरेको छ ।
कोरोना जोखिम रहेकोले अर्को सूचना जारी नभएसम्म शैक्षिक संस्था बन्द नै रहने सरकारका प्रवक्ता युवराज खतिवडाले जानकारी दिए ।
मन्त्रिपरिषदले गरेको निर्णय सार्वजनिक गर्दै खतिवडाले भने, ‘शैक्षिक संस्था, सेमिनार, पार्टी प्यालेस, सैलुन, पुस्तकालय अर्को सूचना नभएसम्म बन्द रहने निर्णय भएको छ ।’
यसैगरी सरकारले होटल तथा रेस्टुरेन्टमा बसेर खान नपाइने नियम पुन: लागू गरेको छ । साउन १५ देखि रेष्टुरेन्टमा बसेर खान पनि पाइने नियम लागू भएकोमा र कोरोना महामारी बढेकोले फेरि टेक अवेमात्रै गर्न मिल्ने बनाइएको खतिवडाले जानकारी दिए ।
यस्तै काठमाडौं उपत्यका र २ सयभन्दा बढी कोरोना संक्रमित भएका जिल्लामा जनतासँग प्रत्यक्ष जोडिएर दिने सेवा प्रवाहका काम सकेसम्म घरबाटै गर्ने व्यवस्था मिलाउन आग्रह गरेका छन् ।
यसैगरी सरकारले अन्तराष्ट्रिय सीमा नाका भदौ ३१ गतेसम्म बन्द गर्ने निर्णय गरेको छ । यसअघि साउन ३२ सम्मका लागि सीमा नाका बन्द गरिएको थियो ।
सरकfरले सीमा नाकाबाट प्रवेश गर्ने तोकेको प्रवेश विन्दु पनि घटाएको छ। अब १० ठाउँबाट मात्र नेपाल प्रवेश गर्न दिने भएको हो। सरकारका प्रवक्ता युवराज खतिवडाका अनुसार काकँडभिट्टा, रानी, माडर, गौर, वीरगञ्ज, बेलहिया, कृष्णनगर, जमुनाहा, गौरीफन्टा र गड्डाचौकीबाट मात्रै नेपाल आउन पाइनेछ।
यसअघि स्थल मार्गबाट नेपाल आउन २० वटा नाका तोकेको थियो।
सरकारले १० वटा नाकाबाट मात्रै नेपाल आउन पाइने बताएको छ।
स्वदेश आउनै पर्ने नेपालीलाई स्थलमार्गबाट आउन यसअघि २० नाकाबाट प्रवेश दिइएकोमा अबदेखि १० नाकाबाट मात्रै नेपाल भित्रिन दिइने निर्णय गरेको खतिवडाले जानकारी दिए।
उनका अनुसार काकँडभिट्टा, रानी, माडर, गौर, वीरगञ्ज, बेलहिया, कृष्णनगर, जमुनाहा, गौरीफन्टा र गड्डाचौकीबाट मात्रै नेपाल आउन पाइनेछ।
यसैगरी सरकारले रुकुमकाे चौरजहारी घटनामा ज्यान गुमाएका सदस्यका परिवारलाई प्रतिसदस्य १० लाखका दरले राहत प्रदान गर्ने भएको छ भने त्यस्तै घाइते सबैको उपचार निःशुल्क गर्ने भएको छ ।
प्रकाशित मिति: मंगलबार, साउन २७, २०७७ १७:०३