काठमाडौं । हवाई उडान र लामो दूरीका सार्वजनिक यातायात भदौ १५ देखि मात्रै सञ्चालन हुने भएका छन् ।
कोभिड-१९ संकट व्यवस्थापन सेन्टर (सिसिएमसी) ले अन्तरजिल्ला यातायात र बाह्य तथा अन्तरिक हवाई उडान भदौ १ गतेदेखि नखोल्न सरकारलाई सिफारिस गरेको हाे ।
आइतबार बसेको सिसिएमसीको बैठकले भदौ १५ सम्मका लागि उडान र यातायात स्थगित गर्ने प्रस्ताव गरेको हो ।
यसअघि साउन ५ मा बसेको मन्त्रिपरिषद् बैठकले ४ महिना लामो लकडाउन अन्त्य गर्दै अन्तरजिल्ला यातायात, बाह्य तथा अन्तरिक हवाई उडान तथा विद्यालय भर्ना लगायतका गतिविधि भदौ १ गतेदेखि सञ्चालन गर्ने निर्णय गरेको थियो ।
तर कोरोना भाइरसको संक्रमण नघटेपछि सिसिएमसीले भदौ १ गतेबाट खुला गर्ने भनिएको सबै क्षेत्र भदौ १५ सम्म नखोल्न प्रस्ताव गरेको हो ।
यससम्बन्धी औपचारिक निर्णय भने सोमबार बस्ने मन्त्रिपरिषद्को बैठकले गर्ने जनाइएको छ ।
प्रकाशित मिति: आइतबार, साउन २५, २०७७ २१:०६
