काठमाडौँ । नेपाल कम्युनिस्ट पार्टी (नेकपा) का उपाध्यक्ष वामदेव गौतमले आफू कुनै पनि सानाे वा ठुलाे गुटमा नलाग्ने बताएका छन् ।
पार्टि अध्यक्ष पुष्पकमल दाहाल प्रचण्डसँग मंगलबार भएको भेटमा गाैतमलेआफू कुनै नेता वा समूहको पक्षमा नभई पार्टी एकताप्रति प्रतिबद्ध रहेको बताएका हुन् ।
गौतम पछिल्लो समय ओली समूहतिर लागेको भन्ने टिकाटिप्पणी भइरहेको बेला उनका प्रेस सहयोगी विश्वमणि सुवेदीले गाैतमकाे धारणा बाहिर ल्याएका हुन् ।
यसअघि गौतमले गएको साउन १३ गते पार्टी विभाजन रोक्नका लागि भन्दै ६ बुँदे प्रस्ताव गरेका थिए । त्यसैदिन प्रधामन्त्री समेत रहेका अध्यक्ष केपी शर्मा ओलीले प्रस्तावमा आफ्नो समर्थन रहेको बताएका थिए ।
मंगलबारको भेटमा प्रचण्डले ‘अब तपाईँ के गर्नुहुन्छ ?’ भनेर सोधेका थिए । त्यसको जवाफमा गौतमले ‘आफू व्यक्ति वा समूहको नभई पार्टी एकताको पक्षमा रहेको’ बताएको उनको सचिवालयले जनाएको छ ।
प्रकाशित मिति: बुधबार, साउन २१, २०७७ १३:३१
