काठमाडौं । कोरोना संक्रमणको जाेखिम बढेकाे भन्दै मुलुकको प्रमुख प्रशासकीय केन्द्र सिंहदरबार प्रवेशमा कडाइ गरिएको छ ।
अत्यआवश्यक कामबाहेक अन्य व्यक्तिहरुलाई भेटघाट तथा अनावश्यक रुपमा नआउन आग्रह गरिएको छ ।
गृह प्रवक्ता चक्रबहादुर बुढाले कोरोना संक्रमणको जोखिम नहोस् भनेर सतर्कता अपनाइएको बताए।
'भीडभाड बढी हुन थालेको छ र यस्तो हुँदा कोरोना संक्रमणको जोखिम बढी हुने भएकाले अत्यावश्यक काम भएका र मिडियाकर्मी बाहेकलाई प्रवेशकमा कडाइ गरिएकाे हाे', उनले भने ।
मन्त्रालयका अनुसार सिंहदरबारमा काम विशेषले जानेका लागि दिइँदै आएको भिजिटर पास र इ–पास बन्द गरिएको छ ।
यस्तै कर्मचारी र यसअघि नै पास पाइसकेकाको हकमा भने स्वास्थ्य सुरक्षा मापदण्ड पूरा गरेर प्रवेश दिइएको बताइएकाे छ ।
प्रकाशित मिति: बुधबार, साउन २१, २०७७ १३:०८