काठमाडाैं । साेमबार बसेकाे सत्तारुढ दल नेपाल कम्युनिस्ट पार्टी (नेकपा) का अध्यक्षद्वय केपी शर्मा अोली र पुष्पकमल दाहालबीचकाे बैठक बिनासहमति सकिएको छ ।
सोमबार बिहान करिब ९ बजे सुरु भएको वार्तामा नेकपाका वरिष्ठ नेता झलनाथ खनाल र संसदीय दलका उपनेता सुवास नेम्वाङ पनि सहभागी थिए ।
छलफलका क्रममा प्रधानमन्त्री एवम् अध्यक्ष ओलीले सचिवालय बैठक राखेर विवाद समाधान गर्न प्रस्ताव गरेका छन् ।
तर अर्का अध्यक्ष प्रचण्ड र वरिष्ठ नेता खनालले भने विवादकाे समाधान स्थायी कमिटी बैठकबाटै खोज्नुपर्ने अडान राखेका छन् ।
छलफलले कुनै निष्कर्ष निकाल्न नसकेपछि भाेलि पुनः छलफल गर्ने सहमित गरेर नेताहरू उठेकाे बालुवाटार स्राेतले बतायाे ।
आन्तरिक विवादकै कारण गत असार १० गतेदेखि जारी स्थायी कमिटी बैठक पनि पटकपटक स्थगित हुँदै आएको छ । बैठकमा अधिकांश सदस्यहरूले ओलीले २ मध्ये १ पद छाेड्नुपर्ने दबाब दिँदै आएका छन् ।
तर ओलीले भने आफू कुनै हालतमा राजीनामा नदिने बरू महाधिवेशन गराएर अध्यक्ष छाड्ने अडानमा छन् ।
प्रकाशित मिति: सोमबार, साउन १९, २०७७ १२:०९
