काठमाडाैं । सत्तारुढ दल नेपाल कम्युनिस्ट पार्टी (नेकपा) भित्रको विवाद समधानका लागि अध्यक्षद्वय केपी शर्मा ओली र पुष्पकमल दाहाल प्रचण्डबीच वालुवाटारमा छलफल सुरु भएको छ ।
बुधबार मध्यान्ह प्रधानमन्त्री निवास बालुवाटारमा अध्यक्ष एवं प्रधानमन्त्री ओली र अर्का अध्यक्ष पुष्पकमल दाहाल प्रचण्डबीच छलफल सुरु भएको हाे ।
यसअघि मंगलबार पनि ओली र प्रचण्डबीच वार्ता भएको थियो । डेढ घन्टा चलेको वार्तामा कुनै सहमति हुन सकेको थिएन ।
पार्टीकाे आन्तरिक विवादका कारण स्थायी कमिटी बैठकसमेत पटकपटक स्थगित हुँदै आएकाे छ । बैठकमा प्रधानमन्त्री ओलीको राजीनामा माग गरेपछि नेकपाभित्रको विवाद उत्कर्षमा पुगेको थियो ।
अधिकांश स्थायी कमिटी सदस्यले ओलीले प्रधानमन्त्री र अध्यक्ष दुवै पदबाट राजीनामा दिन माग गरेका थिए ।
असार १० गतेदेखि सुरु भएको नेकपा स्थायी कमिटी बैठक साउन २ गते बोलाइएको छ ।
प्रकाशित मिति: बुधबार, असार ३१, २०७७ ०७:१८
