काठमाडौं । सत्तारुढ दल नेकपाका अध्यक्षद्वय केपी शर्मा ओली र पुष्पकमल दाहाल प्रचण्डबीचको छलफल सकिएको छ। मंगलबार प्रधानमन्त्री निवास बालुवाटारमा भएको छलफल बिनानिष्कर्ष सकिएको हो ।
६ दिनपछि भएको भेटवार्तामा छलफलबाटै निकास दिने भन्दै फैरि वार्ता गर्ने सहमित गरेर उनीहरू उठेकाे बालुवाटार स्राेतले बतायाे ।
पछिल्लो समय सत्तारुढ नेकपामा आन्तरिक विवाद चर्किएपछि स्थायी कमिटी बैठक साउन २ गतेसम्मका लागि स्थगित भएको छ । बैठक रोकेर पार्टीभित्र सहमति जुटाउने प्रयास गरिए पनि नेताहरु आ-आफ्नै पोजिसनमा रहेकाले सहमति जुट्न सकेको छैन ।
असार १० गतेदेखि बसेको स्थायी समितिको बैठकमा सरकार र पार्टी सञ्चालनमा असफल भएको भन्दै ओलीको राजीनामा माग भएपछि नेकपाभित्रको विवाद उत्कर्षमा पुगेको छ ।
प्रकाशित मिति: मंगलबार, असार ३०, २०७७ ०८:४३
