काठमाडौं । ६ दिन लामाे संवादहीनतापछि नेपाल कम्युनिस्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल प्रचण्डबीच भेटवार्ता भएकाे छ ।
पार्टीभित्र देखिएकाे विवाद समाधानका लागि पहिलैकै कुराकानीकाे निरन्तरतास्वरुप अध्यक्षद्वयबीच प्रधानमन्त्री निवास बालुवाटारमा वार्ता भएकाे हाे ।
प्रचण्ड लगायतका नेताहरूले ओलीको राजीनामा माग गरेपछि नेकपा विवाद उत्कर्षमा पुगेको थियो ।
पार्टीभित्रको विवादका कारण असार १८ गते स्थगित भएको स्थायी समिति बैठक बस्न सकेको छैन। असार २६ गतेका लागि तय भएको बैठक साउन २ गतेसम्मका लागि स्थगित भएको छ।
प्रकाशित मिति: मंगलबार, असार ३०, २०७७ ०७:४३
