काठमाडौँ । अबदेखि भारतीय समाचार च्यानलहरुको प्रसारण नेपालभित्र बन्द हुने भएको छ ।
निरन्तर नेपालबारे भ्रामक सामग्री प्रसारण गरेपछि विदेशी च्यानल वितरक मल्टिसिस्टम अपरेटर (एमएसओ) हरुले भातरतीय न्युज च्यानलको प्रसारण बन्द गर्ने निर्णय गरेका हु
।
यसअघि आजै सञ्चारमन्त्री युवराज खतिवडाले भारती मिडियाको अनर्गल प्रचारविरुद्ध कानुनी उपचार खोज्ने जनाएका थिए । वितरकहरुले भारतको सरकारी च्यानल टेलिभिजन च्यानल दूरदर्शनको प्रसारण भने यथावत राख्ने जनाएका छन् ।
लामो समयदेखि भारतीय पक्षले कब्जामा लिएको आफ्नो भूमि कालापानी, लिपुलेक र लिम्पियाधुरालाई समावेश गरी नेपालले नयाँ नक्सा सार्वजनिक गरेदेखि भारतीय न्युज च्यानलहरुले नेपाल विरुद्ध प्रचार युद्ध नै सञ्चालन गरेका थिए । नेपाल विरुद्ध निरन्तर अफवाह फैलाइरहेका भारतीय मिडियाहरुले पछिल्लो पटक प्रधानमन्त्री केपी ओलीबारे आपत्तिजनक सामग्री प्रसारण गरिरहेका थिए ।
खासगरि जी टिभीले पछिल्लो पटक प्रधानमन्त्री केपी ओली र नेपालस्थित चिनियाँ राजदूतलाई जोडी आपत्तिजनक सामग्री प्रसारण गरेपछि नेपालभित्र भारतीय न्युज च्यानल बिरुद्ध जनमानसमै आक्रोश उत्पन्न भएको थियो ।
काल्पनिक कथा निर्माण गरी चलचित्रको जस्तै सम्वाद समेत प्रयोग गरी प्रधानमन्त्री ओली र चिनिया राजदूत बिरुद्ध भ्रामक सामग्री रिपोर्ट भन्दै जी टिभी बिहारले प्रसारण गरको थियो ।
प्रकाशित मिति: बिहीबार, असार २५, २०७७ १५:४१
