काठमाडाैं । नेपाल कम्युनिस्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल प्रचण्डबीच आजकाे वार्ता सकिएको छ ।
प्रधानमन्त्री निवास बालुवाटारमा भएको वार्तामा पार्टीभित्रकाे आन्तरिक विवाद समाधान गर्ने विषयमा २ अध्यक्षबीच छलफल भएको हाे ।
बालुवाटारमा ओली र दाहालबीच भएकाे वान टु वान वार्तामा कुनै निष्कर्ष भने ननिस्केको स्राेतले बताएकाे छ । तर छलफल सकारात्मक भएकाे बताइएकाे छ ।
सोमबार पनि २ अध्यक्षबीच भएको छलफलमा निष्कर्षबिना नै टुंगिएको थियो । दुवै पक्ष सोमबार दिनभर आन्तरिक परामर्शमा व्यस्त थिए ।
२ अध्यक्षकाे छलफलपछि पटक पटक स्थगित गरिँदै आएको नेकपाको स्थायी समितिको बैठक भोलि बस्ने भएको छ ।
बुधबार स्थायी समितिको बैठक का लागि दुवै अध्यक्ष तयार भएकाे स्राेतले बतायाे । बैठकअघि बुधबार फेरि दुवै अध्यक्षबीच एकचरणको छलफल हुने भएको छ ।
प्रकाशित मिति: मंगलबार, असार २३, २०७७ ०८:४१
