काठमाडाैं । सत्तारूढ नेपाल कम्युनिस्ट पार्टीभित्र विवाद चुलिएर सरकारसमेत धरापमा परेकाे अवस्थामा छिमेकी देश चीनकी नेपालस्थित राजदूतको सक्रियता बढेको छ ।
यसअघि राष्ट्रपति विद्यादेवी भण्डारी र नेकपाका वरिष्ठ नेता माधवकुमार नेपाललाई भेटेकी राजदूत यान्छीले मंगलबार नेकपाका अर्का नेता झलनाथ खनालसँग पनि भेट गरेकी छिन् ।
नेपालका लागि चिनियाँ राजदूत होउ यान्छीले नेकपाका नेताहरूसँगको भेटघाटलाई तीव्रता दिएकी हुन् ।
स्रोतका अनुसार खनाललाई भेट्न राजदूत यान्छी उनको डल्लुस्थित निवासमा पुगेकी थिइन् । उनीहरूबीच बिहान ९ देखि पौने १० बजेसम्म कुराकानी भएको स्रोतले जानकारी दिएको छ ।
राजदूत यान्छीले नेकपामा विवाद उत्कर्षमा पुगेका बेला अध्यक्ष ओली इतर समूहका नेताहरूलाई भेट्नुलाई अर्थपूर्ण मानिएको छ ।
प्रकाशित मिति: मंगलबार, असार २३, २०७७ ०६:११
