काठमाडाैं । सत्तारूढ नेपाल कम्युनिस्ट पार्टीका २ अध्यक्ष केपी शर्मा ओली र पुष्पकमल दाहाल ‘प्रचण्ड’ बीचकाे छलफल बिनानिष्कर्ष सकिएको छ।
आफ्ना पक्षमा २-२ जना सहयाेगी नेता पनि सहभागी गराएर प्रधानमन्त्री निवास बालुवाटारमा उनीहरूबीच आइतबार झन्डै डेढ घन्टा छलफल भएको हाे ।
प्रचण्डका प्रेस सहयोगी विष्णुप्रसाद सापकोटा जुगलका अनुसार प्रधानमन्त्रीसँगको कुराकानीपछि प्रचण्ड बालुवाटारबाट बाहिरिएका छन् ।
छलफलमा प्रधानमन्त्री ओलीका तर्फबाट सचिवालय सदस्य ईश्वर पोखरेल, महासचिव विष्णु पौडेल, स्थायी समिति सदस्य शंकर पोखरेल र प्रचण्ड समूहका तर्फबाट नेताहरु वर्षमान पुन र जनार्दन शर्मा सहभागी थिए।
नेकपाको स्थायी समिति बैठक सोमबार बिहान ११ बजेका लागि तय गरिएकाे छ ।
उक्त बैठकअघि पुनः वार्ता गर्ने ओली-प्रचण्डबीच सहमति भएकाे बताइएकाे छ ।
प्रकाशित मिति: आइतबार, असार २१, २०७७ ०८:३८