काठमाडाैं । सत्तारुढ दल नेपाल कम्युनिस्ट पार्टी (नेकपा) का २ अध्यक्ष केपी शर्मा ओली र पुष्पकमल दाहाल प्रचण्डबीचको निर्णायक भनिएको वार्ता बिनानिष्कर्ष सकिएको छ।
पार्टीभित्र विवाद बढेर फुट्ने अवस्थामा पुगेका बेला अध्यक्षद्वयबीच प्रधानमन्त्री निवास बालुवाटारमा शुक्रबार १२ बजेदेखि छलफल भएकाे थियाे ।
छलफलमा अध्यक्षद्वयसँगै महासचिव विष्णु पौडेल र नेता जनार्दन शर्मा पनि सहभागी थिए । करिब ३ घन्टा चलेकाे छलफलले कुनै ठोस निष्कर्ष ननिकाले पनि वार्ता सकारात्मक भएको वार्तामा सहभागी १ नेताले जनाए ।
प्रधानमन्त्री निवासमा भएको भेटमा दुवै पक्षले आ–आफ्नो पक्षका धारणा राखेर बैठक सकिएको बताइएको छ ।
भोलि हुने स्थायी कमिटी बैठकअघि २ अध्यक्ष फेरि छलफल गर्ने सहमति भएको बताइएकाे छ ।
पछिल्लो समय प्रधानमन्त्री ओलीले नयाँ नक्सा छापेपछि भारतले आफूलाई हटाउन लागेको बताएका थिए ।
साेही अभिव्यक्तिपछि स्थायी कमिटी बैठकमा स्थायी समिति सदस्यहरुले प्रधानमन्त्री अोलीको राजीनामा माग गरेपछि नेकपाभित्रको विवाद चुलिएकाे छ ।
प्रकाशित मिति: शुक्रबार, असार १९, २०७७ १०:१४