काठमाडौं । सत्तारुढ दल नेपाल कम्युनिस्ट पार्टी (नेकपा) को स्थायी कमिटी बैठक स्थगित भएको छ ।
पार्टीका २ जना अध्यक्षबीच छलफल गर्नका लागि बैठक स्थगित गरिएकाे हाे । अहिले अध्यक्षद्वय केपी शर्मा ओली र पुष्पकमल दाहाल प्रचण्डबीच छलफल चलिरहेको छ ।
बिहीबार प्रधानमन्त्रीको सरकारी निवास बालुवाटारमा केहीबेर बसेको नेकपाको स्थायी कमिटी बैठक स्थगित भएको हो । स्थायी कमिटीको आजको बैठकमा प्रधानमन्त्री एवं पार्टी अध्यक्ष केपी शर्मा ओली भने सहभागी भएका थिएनन् ।
स्थायी कमिटीकाे बैठकअघि बालुवाटारमै बसेको मन्त्रिपरिषद् बैठकले संसद अधिवेशन अन्त्य गर्न राष्ट्रपति समक्ष सिफारिस गर्ने निर्णय गरेको थियो ।
नेकपा स्थायी कमिटीका अधिकांश सदस्यले ओलीले प्रधानमन्त्री र अध्यक्ष दुबै पदबाट राजीनामा दिनुपर्ने माग राखेपछि नेकपाकाे विवाद चुलिएकाे छ ।
प्रकाशित मिति: बिहीबार, असार १८, २०७७ ०८:०५