काठमाडौं । समाजवादी पार्टीले सांसद सरिता गिरीलाई पार्टी र सांसद दुबै पदबाट हटाउने तयारी गरेको छ ।
पार्टी निर्णयविपरीत संविधान संशोधन प्रस्तावको विरुद्धमा उभिएकी गिरीलाई पार्टीको ह्विप उल्लंघन गरेका कारण हटाउन लागिएको हो ।
पार्टीको निर्णय विपरीत संसदमा विधेयक प्रस्तुत गरे पछि फिर्ता लिन र संविधानको अनुसूची संशोधनको पक्षमा मतदान गर्न ह्वीप जारी गरेको थियो । तर उनले पार्टीकाे निर्देशनकाे अवज्ञा गरेकी थिइन् ।
पार्टीले तत्काल बैठक बसेर निर्णय गर्ने तयारी समेत सुरु गरेको स्रोतले जनाएकाे छ । पार्टी नेताहरु उपेन्द्र यादव विराटनगरमा र डा. बाबुराम भट्टराई गोरखामा भएकाले दुवै नेता काठमाडौं फर्कनासाथ पार्टीको साधारण सदस्यबाट समेत हटाइने र सांसद पद स्वतः निलम्वनको जानकारी संसदलाई गराइने स्रोतले बतायो ।
प्रकाशित मिति: सोमबार, असार १, २०७७ ०५:१७
