काठमाडौं । जनता समाजवादी पार्टी (जसपा) की सांसद सरिता गिरिले लिम्पियाधुरासहितको नक्सा समेटिएको निशान छापसम्बन्धी संविधान संशोधन विधेयक नै खारेज गर्न माग गर्दै संशोधन दर्ता गराएकी छिन् ।
बुधबार संसद सचिवालयमा गिरिले स्रोत र प्रमाण नखुलेको भन्दै विधेयकको दफा २ हटाउन माग गरेकी हुन् । दफा २ मा नेपालको नयाँ नक्सा बमोजिमको अनुसूची संशोधन गर्नेगरी सरकारले विधेयक प्रस्तुत गरेको छ ।
यता समाजवादी पार्टीले सांसद सरिता गिरीलाई संविधान संशोधन विधेयकमाथि उनले दर्ता गरेको संशोधन प्रस्ताव फिर्ता लिन निर्देशन दिएको छ।
उनले आफ्नो प्रस्ताव फिर्ता नलिए कारवाही गर्ने पार्टीले निर्णय गरेको छ । संसदीय दलका प्रमुख सचेतकमार्फत संशोधन प्रस्ताव फिर्ता गर्नका लागि पत्राचार गरिसकिएको र फिर्ता नलिए गिरीलाई कारवाही गरिने समाजवादी पार्टीका १ नेताले बताए।
प्रकाशित मिति: बुधबार, जेठ २८, २०७७ १२:२०
