काठमाडाैं । रुकुम पश्चिम घटना छानबिनका गर्न संसदीय विशेष समिति गठन गरिएकाे छ ।
सांसद देवेन्द्र पौडेलको नेतृत्वमा सोमबार ९ सदस्यीय समिति गठन गरिएको हो ।
समितिको सदस्यमा सांसद एकवाल मियाँ, दुर्गा पौडेल, पार्वतीकुमारी विशुन्के, प्रकाश रसाइली, विमला बिक, महेश्वरजंग गहतराज, मीनबहादुर बिश्वकर्मा र रामसहायप्रसाद यादव छन् ।
साेमबार बसेकाे प्रतिनिधिसभा बैठकमा सभामुख अग्निप्रसाद सापकाेटाले समिति गठनबारे जानकारी दिएका थिए ।
कार्यविधिअनुसार समितिले ३० दिनभित्र काम सम्पन्न गरिसक्नु पर्ने छ । छानबिनका क्रममा आवश्यक देखे समितले अन्य व्यक्तिको सहयोगसमेत लिन सक्ने छ ।
अन्तरजातीय विवाहकाे विषयलाई लिएर भएकाे साे घटनामा ६ जनाकाे ज्यान गएकाे थियाे ।
प्रकाशित मिति: सोमबार, जेठ २६, २०७७ १३:१४