काठमाडौं । जनता समाजवादी पार्टी (जसपा) निर्वाचन आयोगमा दर्ता भएको छ । केन्द्रीय अध्यक्ष महन्थ ठाकुर र उपेन्द्र यादव रहने गरी आयाेगमा दल दर्ता भएको हाे ।
मधेसलाई आधार बनाउँदै राजनीति गरिरहेका समाजवादी पार्टी (सपा) र राष्ट्रिय जनता पार्टी (राजपा) नेपाललाई एकीकृत गरी जनता समाजवादी पार्टी बनाइएको थियो ।
पार्टी एकताकाे घाेषणा गरेर आयाेगलाई जानकारी गराए पनि दर्ताका लागि आवश्यक कागजात बुझाएको थिएन । जसपाको नेतृत्व व्यवस्थापन भएपछि आइतबार नै शीर्ष नेताहरु निर्वाचन आयोगमा दर्ता गर्न आवश्यक दस्तावेज बुझाउन पुगेका थिए ।
जनता समाजवादी पार्टीको दर्ता नम्बर १३९२ छ । पार्टीमा १ जना संघीय परिषद अध्यक्ष र २ जना केन्द्रीय परिषद अध्यक्ष रहने व्यवस्था गरिएकाे छ । संघीय परिषद अध्यक्षमा बाबुराम भट्टराई रहने छन् ।
पार्टीको चुनाव चिह्न छाता र झण्डा समाजवादी पार्टीले प्रयोग गर्दै आएको नै कायम हुने बताइएकाे छ ।
एकीकृत पार्टीको कार्यकारी समितिमा ५३, राजनीतिक समिति १ सय ५१ र केन्द्रीय समितिमा ७ सय १ जना रहने सहमति भएकाे १ नेताले जानकारी दिए ।
प्रकाशित मिति: आइतबार, जेठ २५, २०७७ १४:२४
