काठमाडौँ । नेपाल कम्युनिस्ट पार्टी (नेकपा) अध्यक्ष तथा प्रधानमन्त्री केपी शर्मा ओलीले पार्टीकाे केन्द्रीय सचिवालय बैठक बाेलाएका छन् ।
आइतबार दिउँसो ४ बजेका लागि बैठक बाेलाइएकाे बालुवाटार स्राेतले जनाएकाे छ । बैठकमा अमेरिकी मिलेनियम च्यालेन्ज कर्पोरेसन (एमसिसी) बारे छलफल हुने बताइएको छ ।
पार्टीका अर्का अध्यक्ष प्रचण्डसहितका नेताहरुले एमसिसीबारे अध्ययन गर्न पार्टीले वरिष्ठ नेता झलनाथ खनालको नेतृत्वमा बनाएको कार्यदलको प्रतिवेदनबारे स्थायी कमिटीमा छलफल गर्नुपर्ने बताउँदै आएका छन् ।
कार्यदलले एमसिसी सम्झौता परिर्माजन नगरी संसदबाट पास गर्न नहुने सुझाव दिएको छ । साे सुझाव विपरित सरकारको नीति तथा कार्यक्रम र बजेटमा एमसिसी समावेश गरेको र त्यो आफूहरुलाई मान्य नहुने अडान लिएपछि अर्थमन्त्री युवराज खतिवडाले हालै एमसीसी अनुमोदन नभएसम्म त्यसको कार्यान्वयन प्रक्रिया अघि नबढाउने जानकारी संसदमा गराएका थिए ।