काठमाडाैं । तराईबाट प्रतिनिधित्व गर्ने नेपाली कांग्रेसका ८ सांसदले संविधान संशोधन विधेयक संसद सचिवालयमा दर्ता गराएका छन् ।
सांसदहरु प्रदीप गिरी, उमाकान्त चौधरी, अमरेशकुमार सिंह, तेजुलाल चौधरी, चित्रलेखा यादव , अभिशेकप्रताप शाह, नमिता चौधरी र पद्मनारण चौधरीले संघीय संसद सचिवालयमा संशोधन विधेयक दर्ता गराएका हुन् ।
उनीहरूले गैर-सरकारी विधेयकका रूपमा संविधान संशोधन विधेयक प्रस्तुत गरेका हुन्।
विधेयकमा यसअघि शेरबहादुर देउवा नेतृत्वको सरकारले ल्याएकै संशोधनका विषय समेटिएको सांसद अमरेशकुमार सिंहले जानकारी दिए।
संशोधननमा नेपालमा बोलिने मातृभाषालाई अनुसूचीमा राख्ने, वैवाहिक अंगीकृत नागरिकताको व्यवस्था गर्न प्रस्ताव गरिएको छ।
त्यस्तै, प्रदेशको सीमांकन मिलाउन संघीय आयोग गठनको प्रस्ताव गरिएको छ।
त्यस्तै, समावेशी र समानुपातिक ढंगबाट राजदूत लगायतको चयन गर्नुपर्ने व्यवस्था राख्न संशोधनमा माग गरिएको छ।
त्यस्तै, राष्ट्रिय सभाका लागि निर्वाचन प्रणाली परिवर्तन गरि जनसंख्यालाई मुख्य आधार बनाउन प्रस्ताव गरिएको छ।
प्रकाशित मिति: मंगलबार, जेठ २०, २०७७ १३:०७