काठमाडौं । संसद सचिवालयले गैरसरकारी विधेयकका रुपमा संविधान संशोधन प्रस्ताव दर्ता गर्न अस्वीकार गरेको छ ।
संघीय संसदका महासचिव डा. भरतराज गौतमले सभामुख अग्निप्रसाद सापकोटासँग छलफल गरेर मात्रै प्रस्ताव दर्ता गर्ने वा नगर्ने भन्नेबारे निष्कर्षमा पुग्ने भएकाले आज दर्ता गर्न असमर्थ रहको जनाएका थिए ।
०७४ वैशाख ११ गते नेपाली कांग्रेसका सभापति शेरबहादुर देउवा प्रधानमन्त्री हुँदा माओवादीसमेत सम्मिलित सरकारले दर्ता गराएको संशोधन प्रस्ताव नै लिएर जनता समाजवादी पार्टीका तर्फबाट महन्थ ठाकुरलगायत नेता दर्ताका लागि सचिवालय पुगेका थिए ।
राजपा नेपालका महासचिव केशव झाका अनुसार उनीहरुले भाषा, नागरिकता लगायत ९ वटा प्रावधानमा संविधान संशोधन दर्ता गर्न चाहेका हुन् ।
सरकारले नयाँ नक्साअनुसार निशान छाप संशोधन गर्न संविधान संशोधन विधेयक शुक्रबार संसद सचिवादयमा दर्ता गरेको थियो ।
विधेयकबारे सहमति जुटाउन प्रधानमन्त्री केपी शर्मा ओलीले बोलाएको सर्वदलीय बैठकमा राजपा नेताहरुले मधेसको माग पनि सम्बोधन गर्न आग्रह गरेका थिए ।
प्रकाशित मिति: शुक्रबार, जेठ १६, २०७७ १४:१६
