काठमाडौं । सत्तारुढ दल नेपाल कम्युनिस्ट पार्टी (नेकपा) का नेता भीम रावलले सांसद रावलले अमेरिकी मिलेनियम च्यालेन्ज कर्पोरेसन (एमसिसी) पारित गर्न नहुने दाबी गरेका छन् ।
सरकारले ल्याएका नीति तथा कार्यक्रमबारे सोमबार संसदमा भएको छलफलमा भाग लिँदै रावलले एमसिसी पारित गर्न खोजिएको बताए ।
‘एमसिसी पछाडिको ढोकाबाट आउन खोजेको जस्तो छ,’ सोमबारको प्रतिनिधिसभाको बैठकमा बोल्दै नेता रावलले भने, ‘कांग्रेस नेताले यस्तै संकेत गर्नुभयो । उहाँले महाकाली सन्धीमा पनि यस्तै भन्नुभएको थियो । एमसिसी पारित गरे राष्ट्रहित विपरीत हुनेछ । देशको स्वाधिनतामा आँच आउने कुरा पास हुँदैन । पैसामा स्वाधिनता साट्न सकिन्न ।’
प्रमुख प्रतिपक्षी कांग्रेसका सभापति शेरबहादुर देउवाले आइतबारको बैठकमा एमसीसी तत्काल पारित गर्न सरकारसँग माग गरेका थिए । उनले आगामी दिनमा वैदेशिक सहयोग नआउने भएकाले अमेरिकी सहयोग स्वीकार गर्नुपर्ने धारणा राखेका थिए ।
यस्तै उनले नीति तथा कार्यक्रम जति प्रभावकारी हुनुपर्ने हो त्यो नभएको बताए । उनले बजेटका बेला प्रष्ट हुने गरी योजना आउनुपर्ने पनि बताए ।
प्रकाशित मिति: सोमबार, जेठ ५, २०७७ ०६:१९
