काठमाडौं । कोरोना भाइरस संक्रमण बढेपछि जारी गरिएकाे लकडाउनकै बीच संघीय संसदको बजेट अधिवेशन शुक्रबार सुरु हुँदै छ ।
संघीय संसद्का दुवै सदन राष्ट्रिय सभा र प्रतिनिधि सभाको बैठक अपराह्न ४ बजेका लागि बोलाइएको छ ।
सरकारले २ जेठमा नीति तथा कार्यक्रम ल्याउँदै छ । त्यसअघि प्रिबजेट छलफल हुने संघीय संसद् सचिवाललये जनाएको छ । २८ वैशाखबाट प्रिबजेट छलफल हुने छ ।
१५ जेठमा संसद्मा बजेट पेस गर्नुपर्ने संवैधानिक व्यवस्था छ । नीति तथा कार्यक्रम संसद्मा प्रस्तुत गरेपछि बजेट प्रस्तुत गरिने छ ।
संसद् बैठकस्थल प्रवेश गर्नुअघि संसदका सबै सांसद र कर्मचारीले आफूमा कोरोना भाइरस नरहेको प्रमाण पेस गर्नुपर्ने छ । त्यसका लागि अहिले उनीहरूको स्वाब प्रयोगशालामा परीक्षण भइरहेको छ ।
दिउँसो साढे ३ बजेसम्ममा सबैको रिपोर्ट आउने गरी प्रयोगशालामा स्वाब परीक्षण भइरहेको जनाइएकाे छ ।
प्रकाशित मिति: शुक्रबार, वैशाख २६, २०७७ ०४:१३
