काठमाडाैं । वैशाख २५ गते बिहीबार बस्ने भनिएको नेकपा स्थायी कमिटी बैठक स्थगित भएकाे छ ।
पार्टी सचिवालयका बहुमत सदस्यले तयारी नपुगेको भनेपछि भोलिका लागि तय भएको स्थायी कमिटी बैठक स्थगित भएको हो ।
बुधबार साँझ अध्यक्षद्वय केपी शर्मा ओली र पुष्पकमल दाहालबीच भएको छलफलपछि बैठक स्थगित गरिएको हो ।
बुधबार नै बसेको सचिवालय बैठकले यसबारे टुंगो नलगाउन सकेपछि २ अध्यक्षबीच छलफल भएको थियो । बैठकको बीचमा नेकपा अध्यक्ष तथा प्रधानमन्त्री केपी शर्मा ओली उठेर हिँडेपछि नेकपा सचिवालय बैठक बिना निर्णय सकिएको हाे ।
प्रधानमन्त्री बैठकपछि बाहिरिएपछि उपाध्यक्ष वामदेव गौतम, उपप्रधान एवं रक्षामन्त्री ईश्वर पोखरेल, गृहमन्त्री रामबहादुर थापा बादल र महासचिव विष्णु पौडेलले स्थायी कमिटी बैठकका लागि एजेन्डा र पर्याप्त तयारी नपुगेको धारणा राखे ।
प्रकाशित मिति: बुधबार, वैशाख २४, २०७७ १३:३२
