काठमाडौँ । सरकारले अन्तर्राष्ट्रिय सीमा नाका र सम्पूर्ण हवाई उडान जेठ १८ गतेसम्म बन्द गर्ने निर्णय गरेको छ ।
आज बसेको मन्त्रिपरिषद् बैठकले जेठ १८ गतेसम्म सम्पूर्ण (आन्तरिक तथा बाह्य) उडान रोक्ने निर्णय गरेको हाे ।
यस्तै छिमेकी भारतमा कोरोना संक्रमितको संख्या बढिरहेका बेला सीमा नाका पनि जेठ १८ सम्म बन्द गर्ने र थप कडाइ गर्ने निर्णय गरेको हो ।
त्यसैगरी, सरकारले २५ वैशाखमा दीप प्रज्वलन गर्न नागरिकहरुलाई आव्हान गरेको छ । २५ वैशाखमा परेको बुद्ध जयन्तीको अवसर पारेर कोभिड-१९ को बिरामीकाे स्वास्थ्यलाभको कामना गर्न र उनीहरुको उपचारमा खटएिका स्वास्थ्यकर्मी र सुरक्षाकर्मीको हौसला बढाउनका लागि दीप प्रज्वलन गर्ने निर्णय गरिएको हाे ।
यस्तै सरकारले जेठ ५ गतेसम्म लकडाउन कायम राख्ने र परीक्षणको दायरा अझै बढाउने निर्णय गरेको छ ।
प्रकाशित मिति: बुधबार, वैशाख २४, २०७७ ०८:४३