काठमाडाैं । सरकारले १ साताका लागि लकडाउनकाे अवधि बढाउने भएकाे छ ।
लकडाउनको अवधि थप्न गर्नेलगायका विषयमा निर्णय गर्न आइतबार दिउँसो बसेकाे उपप्रधानमन्त्री एवं रक्षामन्त्री ईश्वर पोखरेलको संयोजकत्वमा गठित उच्चस्तरीय समन्वय समितिको बैठकले १ साता लकडाउन थप्ने सिफारस गर्ने निर्णय गरेकाे समाचार स्राेतले जनाएकाे छ ।
समितिकाे सिफारिस आइतबारै बस्ने मन्त्रिपरिषाद् बैठकले पारित गर्ने बताइएकाे छ । यसबारेमा स्वास्थ्यमन्त्री भानुभक्त ढकालका प्रेस संयाेजक माधवप्रसाद तिवारीसँग सम्पर्क गर्दा सिफारिसकाे निर्णय चाहिँ आफूलाई थाहा नभएकाे भन्दै १ साताका लागि थप्ने तयारी भने भएकाे बताए । उनले भने- म मन्त्रालयमा छु, मन्त्री ज्यू आउनुभएकाे छैन । तर १ हफ्ता थप्ने तयारी चाहिँ भएकाे हाे ।
यसैगरी आजै बस्ने मन्त्रिपरिषद् बैठकले राहत प्याकेजकाे पनि घोषणा गर्ने जनाइएकाे छ ।
प्रकाशित मिति: आइतबार, चैत १६, २०७६ ०९:२२