तेस्रो पटक मध्य मधेस र चौथो पटक समाजवादी र राजपाको प्रस्ताव मधेस प्रदेशका लागि मतदान हुने छ ।
प्रदेशको नाम टुंगो लागेपछि राजधानीबारे चुनाव हुने छ । आज रातिसम्ममा प्रदेश २ ले नाम र राजधानी पाउने प्रदेश २ को प्रदेश सभाले जनाएको छ ।
नेपाल कम्युनिस्ट पार्टी नेकपाले जानकी प्रदेशकै पक्षमा र कांग्रेसले मिथिलाका पक्षमा मतदान गर्न आफ्ना सांसदलाई ह्विप जारी गरेको छ । कांग्रेस तथा नेकपाका केही सांसद मधेस प्रदेशको पक्षमा देखिएकाले क्रस भोटिङ्ग हुन सक्ने सम्भावना देखिएपछि ह्विप जारी गरिएको नेताहरुले बताएका छन् ।
यस्तै सत्तापक्षका केही सांसद मध्य प्रदेश नाम राख्नुपर्ने प्रस्तावको पक्षमा देखिएका छन् । प्रदेश २ मा १ सय ७ सांसद रहेकोमा संघीय समाजवादी पार्टीका ३१, राजपा नेपालका २५, नेकपाका ३२, कांग्रेसका १९ सांसद छन् ।
यसअघि नाम र राजधानी सहमतिमै टुंगो लगाउन र प्रस्तावमाथि छलफल गर्न सभामुख सरोजकुमार यादवको संयोजकत्वमा ९ सदस्यीय समिति गठन गरे पनि दलहरुबीच सहमति हुन नसकेपछि मतदान हुने भएकाे हो ।