काठमाडौं । मंगलबार मात्रै पदबाट राजीनामा दिएका अर्थमन्त्री डा.युवराज खतिवडा पुनः नियुक्त भएका छन् ।
राष्ट्रपति विद्यादेवी भण्डारीले प्रधानमन्त्रीको सिफारिसमा खतिवडालाई संविधानको धारा ७८ को उपधारा (१) बमोजिम मन्त्री पदमा नियुक्त गरी प्रधानमन्त्रीले सम्हाल्दै आएको अर्थ तथा सञ्चार तथा सूचना प्रविधि मन्त्रालयको जिम्मेवारी तोकेकी छिन् ।
खतिवडाले आजै अपरान्ह ४ बजे राष्ट्रपति भवन शीतल निवासमा पद तथा गोपनीयताको शपथग्रहण गर्ने राष्ट्रपति कार्यालयले जनाएको छ ।राष्ट्रियसभाको आफ्नो कार्यकाल सकिएलगत्तै खतिवडाले मंगलबार साँझ अर्थमन्त्रीबाट राजीनामा दिएका थिए ।
संविधानमा रहेको व्यवस्था अनुसार अब खतिवडा ६ महिनाभित्र सांसद बन्नुपर्ने छ ।
प्रकाशित मिति: बुधबार, फागुन २१, २०७६ ०४:५१
