काठमाडाैं । अर्थमन्त्री युवराज खतिवडाले दिएकाे राजीनामा स्वीकृत भएको छ ।
राष्ट्रपति विद्यादेवी भण्डारीले अर्थ र सञ्चार तथा सूचना प्रविधिमन्त्री खतिवडाको राजीनामा स्वीकृत गरेकी हुन् ।
राष्ट्रियसभा सांसद रहेका खतिवडाको २ वर्षे कार्यकाल सकिएकाले उनले राजीनामा दिएका थिए ।
यसैबीच खतिवडाले सम्हाल्दै आएका दुवै मन्त्रालय प्रधानमन्त्री केपी शर्मा ओली स्वयंले हेर्ने भएका छन् । राष्ट्रपति कार्यालयले विज्ञप्ति जारी गरी राष्ट्रपति विद्यादेवी भण्डारीले अर्थ र सञ्चार तथा सूचना प्रविधि मन्त्रालयको जिम्मेवारी प्रधानमन्त्री ओलीलाई दिएको जानकारी गराएको छ ।
प्रकाशित मिति: मंगलबार, फागुन २०, २०७६ ११:३९
