काठमाडाैं । पूर्वराजा ज्ञानेन्द्र शाहले मिर्गौला प्रत्यारोपणका लागि त्रिवि शिक्षण अस्पताल भर्ना भएका प्रधानमन्त्री केपी शर्मा ओलीको शीघ्र स्वास्थ्यलाभको कामना गरेका छन् ।
ज्ञानेन्द्रले आफ्ना पूर्व प्रमुखसचिव पशुपतिभक्त महर्जनलाई सन्देशसहित शिक्षण अस्पताल महाराजगञ्ज पठाएर ओलीको स्वास्थ्यलाभको कामना गरेका हुन् ।
पूर्व श्री ५ महाराजाधिराज ज्ञानेन्द्र वीर विक्रम शाहदेवबाट प्रधानमन्त्री श्री केपी शर्मा ओलीको सफल मिर्गौला प्रत्यारोपणसहित शीघ्र स्वास्थ्यलाभको कामना गरिबक्सेको छ । मौसुफको शुभकामना सन्देश लिएर श्री ५ का पूर्व प्रमुख सचिव पशुपति भक्त महर्जन शिक्षण अस्पताल महाराजगञ्ज जानुभएको हो, शाहका प्रेस सहयोगी फणिराज पाठकले फेसबुकमा लेखेका छन् ।
दोस्रोपटक मिर्गौला प्रत्यारोपणका लागि प्रधानमन्त्री सोमबार साँझ शिक्षण अस्पताल भर्ना भएका थिए । बुधबार बिहान ९ बजे उनकाे मिर्गौला प्रत्यारोपण गरिने अस्पतालले जनाएकाे छ ।
प्रकाशित मिति: मंगलबार, फागुन २०, २०७६ १०:३३