काठमाडौँ । गाँजा खेतीमा लगाइएको प्रतिबन्ध फुकुवा गर्न माग गर्दै संसदमा विधेयक दर्ता भएको छ । सत्तारुढ नेकपाका सांसद एवम् पूर्व कानुनमन्त्री शेरबहादुर तामाङले १८ वर्ष उमेर पुगेकाले मात्र गाँजाको खेती गर्न पाउने गरी प्रतिनिधिसभामा विधेयक दर्ता गराएका हुन् ।
सांसद तामाङले गैरसरकार विधेयक अर्थात् (प्राइभेट बिल)का रुपमा गाँजा खेती सम्बन्धी कानुन निर्माणको प्रस्ताव गरेका हुन् ।
गाँजालाई नियमन तथा व्यवस्थापन गर्न बनेको विधेयकमा गाँजा एक औषधीय गुण बोकेको वनस्पति भएकाले यसमा लागेको प्रतिबन्ध सरकारले फुकुवा गर्नुपर्ने उल्लेख छ ।
विधेयकले गाँजाको विक्री वितरणलाई समेत व्यवस्थित बनाउन प्रस्ताव गरेको छ । उत्पादन भएको स्थान, अनुमति पत्र नम्बर, चेतावनीमूलक सूचना र प्याकेटभित्रको परिणाम खुलाएर मात्र कृषकले बेच्न पाउने छन् ।
प्रतिबन्ध फुकुवा भएमा गाँजा खेती आर्थिक समृद्धिको बलियो आधार बन्न सक्ने भन्दै सांसद तामाङले गाँजा निर्यात गरी आयआर्जन बढाउन सकिने साथै ८० प्रतिशत युवा विदेशबाट स्वदेश फर्किएर यसैको खेतीमा लाग्ने दाबी गरे ।
तर गाँजा खेतीकाे विरोध गर्नेहरू भने त्यसले नेपाललाई लागुऔषधको केन्द्र बनाउन सक्ने तथा प्रतिबन्ध फुकुवा गर्दैमा गाँजाको खेती र कारोबार सहज नहुने बताउँछन्।
विधेयकमा गाँजा खेतीका लागि पूर्वअनुमति लिनुपर्ने प्रस्ताव गरिएकाे छ । यस्तो अनुमति स्थानीय तहबाट पाइने उल्लेख छ ।
यस्ताे छ दर्ता भएकाे विधेयकः
प्रकाशित मिति: सोमबार, फागुन १९, २०७६ १२:११
