काठमाडौं । सत्तारुढ दल नेपाल कम्युनिस्ट पार्टी (नेकपा) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’माथि जुत्ता प्रहार भएको छ ।
राष्ट्रिय सभागृहमा प्रथम भरतमोहन अधिकारी स्मृति दिवसको कार्यक्रममा सहभागी हुने क्रममा दाहालमाथि जुत्ता प्रहार भएको हो । यद्यपि जुत्ताले उनलाई लाग्न भने पाएन ।
प्रचण्डमाथि जुत्ता प्रहारको प्रयास भएको तर उनको प्रसास सफल नभएको नेकपा अनुशासन आयोगका अध्यक्ष अमृतकुमार बोहोराले बताएका छन् ।
कार्यक्रममा प्रमुख अतिथिका रुपमा राष्ट्रिय सभागृह पुगेका प्रचण्डमाथि मञ्चमै जुत्ता प्रहार गरिएपछि स्थिति तनावग्रस्त बनेको थियो । सुरक्षाकर्मीले जुत्ता प्रहार गर्ने युवकलाई पक्राउ गरेका छन् ।
प्रचण्डमाथि जुत्ता प्रहार गर्ने व्यक्ति जुम्लाका २२ वर्षीय रतन तिरुवा भएको खुलेको छ । उनलाई महानरीय प्रहरी वृत्त सिंहदरबारमा राखिएको छ ।
प्रकाशित मिति: आइतबार, फागुन १८, २०७६ १०:४२
