काठमाडौं । प्रधानमन्त्री तथा नेकपा अध्यक्ष केपी शर्मा ओली तथा परमुख प्रतिपक्षी दल नेपाली कांग्रेसका केन्द्रीय सदस्य शेखर कोइरालाले समसामयिक विषयमा छलफल गरेका छन् । बिहीबार बिहान प्रधानमन्त्री निवास बालुवाटारमा उनीहरूबीच करिब डेढ घन्टा कुराकानी भएकाे बालुवाटार स्राेतले जनाएकाे छ ।
शेखर कोइरालाका स्वकीय सचिव दिनेशचन्द्र थपलियाका अनुसार छलफलका क्रममा कोइरालाले गाेकुल बाँस्काेटाकाे अडियाे प्रकरणले वर्तमान सरकार भ्रष्टाचार र अनियमिततामा डुबेको प्रष्ट भएकाे भन्दै नैतिकताका आधारमा प्रधानमन्त्रीले राजीनामा दिनुपर्ने बताएका थिए ।
कोइरालालाई उद्धृत गर्दै थपलियाले भने, दुई तिहाइको सरकारले काम गर्ने अवसर पाउँदा पनि केही गर्न सकेको छैन । पार्टीभित्र विवाद चुलिँदै गएको छ । अब तपाईँले राजीनामा दिएर सबै पार्टीलाई मिलाएर अगाडि लैजानुको विकल्प छैन । त्यसमा प्रतिपक्षी दलको सहयोग रहने छ ।
कोइरालाले राजीनामा मागेपछि प्रधानमन्त्रीले भने, प्रतिपक्षी दलको धर्म नै हो राजीनामा माग गर्नु, तर यहाँ आफ्नैले जथाभावी भनिरहेका छन् र पाे ।
प्रकाशित मिति: बिहीबार, फागुन १५, २०७६ ०७:१८