बैतडी । राष्ट्रपति विद्यादेवी भण्डारी सुदूरपश्चिम भ्रमणमा निस्केकी छिन् । ४ दिने भ्रमणका क्रममा राष्ट्रपति भण्डारी बैतडीसहित सुदूरपश्चिमका ५ जिल्लाका विभिन्न कार्यक्रममा सरिक हुने जनाइएको छ।
राष्ट्रपतिबाट बुधबार मध्याह्न धनगढीमा हुने विश्व नेपाली साहित्य महोत्सवको उद्घाटन र बुधबार नै शिवनगर खानेपानी आयोजनाको निरीक्षण गर्ने कार्यक्रम छ ।
यसैगरी बिहीबार दिउँसो २ बजे बैतडीको त्रिपुरासुन्दरी भगवती मन्दिरमा विषेश पूजाआजा र दशरथचन्द नगरपालिकाका तर्फबाट नागरिक अभिनन्दनको कार्यक्रम रहेको जनाइएको छ।
बैतडीको पाटन नगरपालिकाले बिहीबार सार्वजनिक बिदा दिने निर्णय गरेको छ । राष्ट्रपति विद्यादेवी भण्डारीको भ्रमण हुने भएकाले नगरपालिकाले बिहीबार सार्वजनिक बिदा दिने निर्णय गरेको हो ।
राष्ट्रपति भण्डारी १७ गते काठमाडौँ फर्किने कार्यक्रम छ ।
प्रकाशित मिति: बुधबार, फागुन १४, २०७६ ०६:२५
