काठमाडौं । नेपाल विद्यार्थी संघले पोखरामा पक्राउ परेका आफ्ना कार्यकर्ता रेशम हमाल (राजेश) लाई तत्काल रिहा गर्न माग गरेको छ ।
संघका महामन्त्री दीपक भट्टराईले हमाललाई तत्काल रिहा गर्न माग गर्दै रिहा नगरिए कडा आन्दोलनमा उत्रने बताए ।
उनले प्रशासन सरकारको छाया बनेको आरोप पनि लगाए । गत फागुन ८ गते सत्तारुढ दल निकट अनेरास्ववियु र नेविसंघबीच झडप भएको थियो ।
आफ्ना कार्यकर्तामाथि आक्रमण गर्ने अनेरास्ववियुका कार्यकर्तालाई उन्मुक्ति दिएर नेविसंघका निर्दोष कार्यकर्तालाई पक्राउ गरिएको भन्दै महामन्त्री भट्टराईले तत्काल रिहा नगरिए देशभर आन्दोलन गर्ने चेतावनी दिए ।
प्रकाशित मिति: सोमबार, फागुन १२, २०७६ ०९:०५