काठमाडौँ । नागरिक समाजका अगुवा तथा वरिष्ठ डाक्टर सुन्दरमणि दीक्षितले कमिसन खेलमा मुछिएका निवर्तमान मन्त्री गोकुल बाँस्कोटाले राजीनामा दिएर मात्रै नपुग्ने बताएका छन् । उनले बाँस्कोटामाथि कारवाहीको माग समेत गरेका छन् ।
संवाद डबलीले बिहीबार गरेको कार्यक्रममा बोल्दै उनले बाहिरिएको अडियोमा बाँस्कोटाको असलियत छताछुल्ल भएको बताए ।
मञ्चबाट कसैलाई पनि बाँकी नराख्ने बाँस्कोटा आफै नरहेको भन्दै डा दीक्षितले भने, गोकुल बास्कोटाले सँधै मञ्चबाट मनलाग्दी बोलेर कसैलाई पनि बाँकी राख्नु हुन्नथ्यो । बास्कोटाजीले सबै मानिसहरु खराब, आफूमात्रै असल भनेर जुन देखाउनु हुन्थ्यो तर आज अडियो सुन्दा सबैभन्दा खराब त उहाँनै रैछ ।
डा. दीक्षितले रानीनामा दिन लगाएर छुट दिन नहुने भन्दै कडा कारवाही गर्न प्रधानमन्त्री केपी शर्मा ओलीलाई सुझाव दिए । उनले प्रधानमन्त्री ओली अग्नि परीक्षामा रहेको समेत बताए ।
प्रकाशित मिति: बिहीबार, फागुन ८, २०७६ १२:१२
