काठमाडौँ । नेपालस्थित स्विस दूतावासले बिहीबार एक विज्ञप्ति जारी गर्दै सञ्चारमन्त्री गोकुल बाँस्कोटाको अडियो प्रकरणमा आफ्नो कुनै संलग्नता नरहेको स्पष्ट गरेको छ ।
सेक्युरिटी प्रिन्टिङ प्रेस खरिदका लागि स्विस कम्पनीका नेपालस्थित एजेन्टसँग तत्कालीन सञ्चारमन्त्री गोकुल बाँस्कोटाले ७० करोड कमिसनका लागि डिल गरेको अडियो सार्वजनिक भएपछि नेपालस्थित स्विस दूतावासले यस प्रकरणमा दूतावासको कुनै किसिमको संलग्नता नरहेको प्रस्ट पारेको हाे ।
दूतावासले चर्चामा आएजस्तो सञ्चारमन्त्रीसँग कुनै भेटघाटका लागि अनुरोध पनि नगरिएको रु मन्त्रीसँग कुनै बैठक तय पनि नभएको बताएको छ ।
विज्ञप्तिमा भनिएको छ, ‘कम्पनीको नेपालस्थित स्थानीय एजेन्ट भनिएका व्यक्तिसँग पनि कुनै पनि प्रकारबाट संलग्न पनि नभएको र त्यसबारे जानकारी पनि छैन ।’
प्रकाशित मिति: बिहीबार, फागुन ८, २०७६ ११:३२