काठमाडाैं । सञ्चारमन्त्री गाेकुल बाँस्काेटाले आफ्नाे पदबाट राजीनामा दिएका छन् ।
सभामुख अग्नि सापकाेटाले मन्त्रीले राजिनामा दिएकाे अनाैपचारिक रूपमा जानकारी पाएकाे सदनमा बताए ।
सेक्युरिटी प्रिन्टिङ मेसिन खरिदका सन्दर्भमा कमिसन रकमका बारेमा गरेको डिल को अडियो रेकर्ड सार्वजनिक भएपछि उनी विवादमा आएका थिए । यसैबीच, प्रमुख प्रतिपक्षी दल नेपाली कांग्रेसकाे अवराेधका कारण प्रतिनिधिसभा बैठक फागुन १३ गतेसम्मका लागि स्थगित भएकाे छ । सञ्चारमन्त्रीकाे राजीनामा नआएसम्म सदन चल्न नदिने कांग्रेसकाे अडानपछि सभामुखले बाँस्काेटाले राजीनामा दिइसकेकाे जानकारी गराएका थिए ।
तर औपचारिक रूपमा राजीनामा वा बर्खास्तकाे घाेषणा नभएसम्म सदन चल्न नदिने कांग्रेसले अडान लिएपछि सभामुखले बैठक स्थगित गरेका हुन् ।
यसैगरी, सेक्युरिटी प्रिन्टिङ प्रेस खरिदबारे मन्त्रिपरिषदमा समेत पटकपटक छलफल भएकाले यसको जिम्मा प्रधानमन्त्रीले लिनुपर्ने, यसलाई भ्रष्टाचारको विषय बनाउनुपर्ने कांग्रेसको माग छ ।
प्रकाशित मिति: बिहीबार, फागुन ८, २०७६ ०९:२५