भीमदत्तनगर । सञ्चार तथा सूचना प्रविधिमन्त्री गोकुलप्रसाद बाँस्कोटाले आफूमाथि लागेको आरोपबारे काठमाडौं फर्किएपछि विस्तृत प्रतिक्रिया दिने बताएका छन् ।
ममाथि लागेको आरोप प्रमाणित भए सजाय भोग्न तयार छु , बेलडाँडी गाउँपालिका कञ्चनपुरमा बिहीबार बिहान आयोजित कार्यकर्ता भेटघाट कार्यक्रममा उनले भने, राजनीतिक रङ दिएर अफवाह फैलाउनुको अर्थ छैन ।
जनपक्षीय काम गर्दै गएमा प्रतिक्रियावादी वर्ग आफैँ परास्त हुने मन्त्री बाँस्कोटाको भनाइ थियो। आरोप आफैंमा ठूलो कुरो होइन, आरोप दिनदिनै लाग्छ , उनले भने, सरकार सञ्चालन गर्दा आरोप लाग्दै जान्छ ।
मन्त्री बाँस्कोटाले ७० करोड कमिसन मागेको अडियो क्लिप सार्वजनिक भएपछि सर्वत्र उनकाे विराेध भइरहेकाे छ भने राजीनामा पनि मागिएकाे छ ।
प्रकाशित मिति: बिहीबार, फागुन ८, २०७६ ०६:३५