काठमाडौं । प्रतिनिधिसभा बैठकमा याैन दुर्व्यवहार मुद्दामा पूर्वसभामुख कृष्णबहादुर महराले जिल्ला अदालत काठमाडौंबाट सफाइ पाएको जानकारी गराइएको छ ।
मंगलबार बसेको प्रतिनिधिसभा बैठकमा सभामुख अग्नि सापकोटाले महराले सफाइ पाएको जानकारी गराएका हुन् । अदालतले सफाइ दिएसँगै अब निवर्तमान सभामुख कृष्णबहादुर महराले प्रतिनिधिसभा बैठकमा सहभागी हुने बाटो खुलेको छ ।
संसद सचिवालयकी महिला कर्मचारीलाई बलात्कार प्रयास गरेको आरोपमा १९ असोजमा पक्राउ परेका महरालाई जिल्ला अदालत काठमाडौंले पुर्पक्षका लागि थुनामा पठाएको थियाे । पक्राउ परेसँगै उनकाे संसद पद निलम्बनमा परेकाे थियाे ।
प्रकाशित मिति: मंगलबार, फागुन ६, २०७६ ०९:४३
