काठमाडौं । जिल्ला अदालत काठमाडौंबाट याैन दुर्व्यवहार मुद्दामा सफाइ पाएका निवर्तमान सभामुख कृष्णबहादुर महरा डिल्लीबजार कारागारबाट रिहा भएका छन् ।
डिल्लीबजार कारागारमा १३३ दिनदेखि पुर्पक्षका लागि थुनामा रहेका महरा रिहा भएका हुन् । उनलाई डिल्लीबजार कारागारमा रहेका नेपाल प्रहरीका पूर्वआइजी रमेशचन्द ठकुरी, सशस्त्र प्रहरीका पूर्वडीआईजी रञ्जन कोइराला लगायतले माला लगाएर विदाइ गरेका हुन् ।
डिल्लीबजार कारागार बाहिर उनलाई नेपाल कम्युनिस्ट पार्टीका कार्यकर्ता एवं उनका शुभचिन्तकले माला, खादा र अबिर लगाएर स्वागत गरेका थिए ।
महरा आजै खुमलटारस्थित निजी निवासमा फर्केका छन् ।
प्रकाशित मिति: सोमबार, फागुन ५, २०७६ ११:११