काठमाडौं । पूर्वउपसभामुख शिवमाया तुम्बाहाम्फे मन्त्री बन्ने भएकी छिन् ।
प्रधानमन्त्री केपी शर्मा ओलीका प्रेस सल्लाहकार सूर्य थापाका अनुसार तुम्बाहाङफेले आज (सोमबार) दिउँसो साढे ३ बजे कानुन, न्याय तथा संसदीय मामिला मन्त्रीको शपथ लिँदै छिन् ।
नेकपाले अग्नि प्रसाद सापकोटालाई सभामुखको उम्मेदवार बनाउने निर्णय गरेपछि तुम्बाहाम्फेले उपसभामुखबाट राजीनामा दिएकी थिइन् ।
सभामुख र उपसभामुख फरक दलबाट हुनुपर्ने संवैधानिक व्यवस्थाअनुसार नेकपाले सभामुखका लागि अर्का उम्मेदवार उठाएपछि शिवमायाले राजीनामा दिनुपरेको थियो ।
समाजवादी पार्टीले सरकार छाडेपछि कानुन मन्त्रालयको जिम्मेवारी स्वास्थ्य तथा जनसंख्या मन्त्री भानुभक्त ढकालले सम्हाल्दै आएका छन् ।
सभामुखको दाबी गर्दै आएकी उपसभामुख तुङ्बाहाम्फेलाई मन्त्री बनाउने आश्वासन दिएपछि उपसभामुखबाट राजीनामा दिन राजी भएकी थिइन् ।
प्रकाशित मिति: सोमबार, फागुन ५, २०७६ ०८:१५