झापा । प्रधानमन्त्री केपी शर्मा ओलीले दमकको कृष्ण मन्दिरदेखि बेलडाँगीसम्मको कालोपत्रे सडक र दमकबाट मोरङको मधुमल्ला जोड्ने मावाखोलामा निर्मित पक्की पुलको उद्घाटन गरेका छन् ।
आइतबार बिहान झापा पुगेका भएका प्रधानमन्त्री ओलीले संघीय सरकारद्वारा निर्माण गरिएको सो सडक र पुलको उद्घाटन गरेका हुन् ।
६ दशमलव २१ किमी लम्बाइको सडकको लागत ४ करोड १६ लाख २२ हजार १ सय ५६ रुपैयाँ रहेको छ । सो सडकको निर्माण श्री रोताहा आरके जेभीले गरेको हो ।
त्यस्तै, दमकलाई मोरङको मधुमल्लासँग जोड्ने पुलको लम्बाई २५० मिटर छ । ३० करोड २२ लाख ९१ हजार ७ सय ५० रुपैयाँ लागत रहेको पुल शर्मा लामा स्वच्छन्द जेभीले निर्माण गरेको हो ।
प्रधानमन्त्री ओलीले आज नै दमक नगरपालिका–१ मा जनता आवासमार्फत निर्माण गरिएका घरको साँचो हस्तान्तरण गर्ने छन् भने अपराह्न बेलडाँगीमा आयोजित समारोहलाई सम्बोधन गर्ने कार्यक्रम छ ।
प्रकाशित मिति: आइतबार, फागुन ४, २०७६ ०८:४९
